ხობის რაიონის ეკონომიკური საბჭოს სხდომა, 1979 წელი. ნუგზარ ნადარაია, ლაჟვარდ ბუკია, კარლო კორტავა, გულმერგ გვიჩია, კარლინგ ჯობავა, კარლო ბერაია, ლადო თათარიშვილი, ვაჟა გადელია.
26.10.2022
თენგიზ სუხიშვილი და ნინო რამიშვილი ხობში
თენგიზ სუხიშვილი და ნინო რამიშვილი ხობში, 1984 წელი. ლეგენდარულმა ქორეოგრაფებმა ჩანაწერი გააკეთეს კოლხეთის დაშრობის მუზეუმის სტუმრების წიგნში.
ხეთა - ვერტმფრენით ციტრუსების შეწამვლა
ხეთა, მეოცე საუკუნის 70-იანი წლები, ვერტმფრენით ციტრუსების შეწამვლა.
ლითოგრაფია რედუტ-კალეს (ახლანდელი ყულევი) გამოსახულებით
ბეჭდური გრაფიკის ერთ-ერთი საუკეთესო ნიმუში - 1856 წლის ლითოგრაფია რედუტ-კალეს (ახლანდელი ყულევი) გამოსახულებით.
ნახატი შესრულებულია ყირიმის ომის (1853-1856) მსვლელობის დროს ბრიტანელი მარინისტი მხატვრის ოსვალდ უოლტერს ბრეირლის (1817-1894) მიერ.
მასალა დაცულია მულტიკულტურული კვლევის ცენტრში.
ნინო რამიშვილი ხობზე და ხობელებზე
ლეგენდარული ქორეოგრაფი ნინო რამიშვილი ხობზე და ხობელებზე
ნინო რამიშვილის შთაბეჭდილებები 1984 წელს ანსამბლ „სუხიშვილების“ ხობში გასტროლის შემდეგ.
სოციალისტური შრომის ხობელი გმირები
სოციალისტური შრომის გმირი ვ. ქებურია, გაზეთი "კომუნისტი", 1949 წელი.
სოციალისტური შრომის გმირი ლ. აპოსტოვი, გაზეთი "კომუნისტი", 1949 წელი.
ხობის დაფნის კომბინატი, 1972 წელი
ხობის დაფნის კომბინატი, 1972 წელი. ფოტოზე: ნორა რუსია და მიმოზა ცქირია.
ჯანსუღ კახიძე ხობში
ხობი, 1984 წელი. ჯანსუღ კახიძე ჩანაწერს აკეთებს კოლხეთის ათვისების მუზეუმის შთაბეჭდილებათა წიგნში.
ახალი ხიბულის ტყეების საზღვრები
ახალი ხიბულა, "ჯვეშიშ ტყა". ტყით სარგებლობდნენ და უვლიდნენ ადგილობრივები. ყველა ოჯახს ქონდა მისი ტყე, რომლებიც ერთმანეთისგან გამოყოფილი იყო არხებით. ფოტოებზე ნათლად ჩანს ათეული წლების წინ გავლებული საზღვრების კვალი.
ახალი ხიბულის ჩაის პლანტაციებში თბილისის საშუალო სკოლების მოსწავლეები
ახალი ხიბულის ჩაის პლანტაციებში თბილისის საშუალო სკოლების მოსწავლეები. 1984 წ.
ახალ ხიბულელები - 1979 წელი
ახალი ხიბულა, 1979 წელი. უფროსი ეკონომისტი დემურ კემულარია, პარტკომის მდივანი ლიონ სიჭინავა და კომკავშირის კომიტეტის პირველი მდივანი ლიანა ნადარაია.
ზუბის საბავშვო ბაღი - 1979 წელი
ახალი ხიბულის (ზუბის) საბავშვო ბაღის აღმზრდელი (რუსიკო კვირკვაია) და აღსაზრდელები, 1979 წელი.
1984 წელი, ახალი ხიბულა
ახალი ხიბულის კოლმეურნეობის სამსართულიანი ადმინისტრაციული სახლის და ზუბში სიმინდის საშრობის მშენებლობა.
გაზეთი "კომუნიზმის მშენებელი", ხობი 1984 წელი.
10.10.2022
ბლიც-ინტერვიუ ლუიზა ცანავასთან
ქალბატონი ლუიზა 44 წელია ჩვეული რუდუნებითა და სიყვარულით მუშაობს საბიბლიოთეკო სფეროში. მისთვის ბიბლიოთეკა მეორე ოჯახია, სადაც მკითხველებს დიდი სიყვარულით ელიან...
ბიოგრაფიული
შტრიხები
- ლუიზა ცანავა დაიბადა 1954 წელს ხობის
რაიონ სოფელ ხამისკურში. 1970 წელს წარჩინებით დაამთავრა ხამისკურის საშუალო სკოლა,
ხოლო 1976 წელს თბილისის ა.ს. პუშკინის სახელობის პედაგოგიური ინსტიტუტი ბიბლიოთეკამცოდნე-ბიბლიოგრაფის
სპეციალობით. სწავლის პარალელურად მუშაობდა ქ. თბილისში სხვადასხვა ორგანიზაციაში.
1978 წლიდან მუშაობს ხობის ცენტრალურ ბიბლიოთეკაში
ძირითადი ფონდის განყოფილების გამგედ. 1985 წლიდან 2007 წლამდე იყო ხობის ცენტრალური
ბიბლიოთეკის დირექტორი, ხოლო 2007 წლიდან დღემდე საბიბლიოთეკო ქსელის მენეჯერია.
- ხობის ცენტრალურ ბიბლიოთეკაში მუშაობს
შვიდი თანამშრომელი, აქედან ორი ტექპერსონალია, დანარჩენი ხუთი ჩემი ჩათვლით თითქმის
ყველა პოზიციაზე ერთმანეთს ვენაცვლებით. ყველა ორიენტირებული ვართ მკითხველზე, რათა
ბიბლიოთეკის მკითხველმა მიიღოს მაქსიმალური ხარისხიანი მომსახურება. ბიბლიოთეკის წიგნადი ფონდი შეადგენს 47000 ეგზემპლარს. შევსება
ხდება ადგილობრივი ბიუჯეტიდან გამოყოფილი თანხით. წელიწადში დაახლოებით შემოდის 300-350 ერთეული სხვადასხვა
დასახელების სხვადასხვა ჟანრის ლიტერატურა.
მიმდინარე წლის პირველ ნახევარში შევიძინეთ 2200 ლარის 141 ცალი წიგნი. 7 ოქტომბერს ვაუჩერიზაციის პროექტით, ფონდ ,,არველაძეების“
დაფინანსებით და გამომცემელთა ასოციაციის ორგანიზებით მივიღეთ 900 ლარის 86 სხვადასხვა
დასახელების ლიტერატურა. ბიბლიოთეკაში ყველა წიგნი შემოდის მომხმარებლის ინტერესის
გათვალისწინებით.
- მკითხველი
- ცხრა თვის მონაცემებით
ბიბლიოთეკის მკითხველთა რაოდენობა 586 შეადგენს. მათზე გაცემულია 5200 - მდე სხვადასხვა
ლიტერატურა. დღეს ბიბლიოთეკის ფუნქცია წარმომიდგენია, როგორც სასკოლო პროცესის არაფორმალური
განათლების კუთხით მხარდაჭერის პროცესი, ამდენად მკითხველთა 85% სკოლის მოსწავლეებია
- მოზარდი თაობა.
- ახალგაზრდები
- ბიბლიოთეკა მთლიანად
ორიენტირებულია ახალგაზრდობაზე. ბიბლიოთეკის წიგნადი ფონდის განახლება ხდება მათი ინტერესების გათვალისწინებით.
კულტურულ-მასობრივი ღონისძიებები დაგეგმილია მათი ინტერესებისა და მოთხოვნილებების
შესაბამისად. ბიბლიოთეკის სამკითხველო დარბაზში ახალგაზრდები მუშაობენ სხვადასხვა პროექტებზე,
მართავენ დისკუსიებს, მსჯელობენ ლიტერატურაზე, თანამედროვე აქტუალურ საკითხებზე, ყოველივე
ამისათვის ბიბლიოთეკის სამკითხველო დარბაზში არის მდიდარი საცნობარო ხასიათის თანამედროვე
ლიტერატურა, ინტერნეტთან წვდომა და მშვიდი გარემო.
- წიგნი თუ კომპიუტერი?
- როცა ისმება ასეთი
კითხვა, ჩემი მოკლე პასუხია - წიგნი და კომპიუტერი, ორივე ერთმანეთს ავსებს . ერთი არ გამორიცხავს მეორეს. ახალგაზრდები ინტერნეტში ეცნობიან სიახლეებს ლიტერატურის სფეროში და ახალი
ინფორმაციით მოდიან ბიბლიოთეკაში, რათა დაიკმაყოფილონ მოთხოვნა ამა თუ იმ გამოცემაზე. ასევე ბიბლიოთეკის თანამშრომლები აქტიურად
ვიყენებთ ინტერნეტ სივრცეს, აქ ვეძებთ სიახლეებს საგამომცემლო სივრცეში. თვალყურს ვადევნებთ
ჩვენს დარგში ახალ ტენდენციებს.
- ერთი დღე ბიბლიოთეკაში
- ჩემი დილა სამსახურში იწყება თანამშრომლებთან ხუთწუთიანი შეხვედრით. მოკლედ ვაანალიზებთ წინა დღეს, ვანაწილებ დავალებას, კოლეგიალობის პრინციპის გათვალისწინებით, ვეცნობი ახალ პრესას, ინტერნეტ სივრცეში ვათვალიერებ ეროვნული ბიბლიოთეკის გვერდს, საბიბლიოთეკო ასოციაციის გვერდს, მათთან აქტიურად ვთანამშრომლობ, რომ არ ჩამოვრჩე თანამედროვე ტენდენციებს.
06.10.2022
ხობის "კოლხეთი", 1999 წელი
ხობის "კოლხეთი", 1999 წელი. ფოტო გადაღებულია ხობის ცენტრალურ სტადიონზე.
აკაკი ივანეს ძე ქავთარაძე - რეპრესიის მსხვერპლი
1937 წლის 21 ოქტომბრის სია, ხელმოწერა: სტალინი, მოლოტოვი, კაგანოვიჩი, ვოროშილოვი.
ეროვნება: ქართველი
დაბადების ადგილი: საქართველო, სოფელი ხიბულა
პარტიულობა: საკავშირო კპ(ბ) წევრი 1917 წლიდან; პარტიიდან გაირიცხა 1937 წელს დაპატიმრებასთან დაკავშირებით.
სამუშაო ადგილი: დაპატიმრებამდე - აფხაზეთის თამბაქოს ნედლეულის მმართველი
მომხსენებელი: ოვიანი
მონაწილეობდნენ: გოგლიძე, წერეთელი, ტალახაძე, მოროზოვი
ბრალად ედება: რომ 1. იყო მემარჯვენეთა კ/რ ორგანიზაციის წევრი; 2. მემარჯვენეთა კ/რ ორგანიზაციის ცენტრის ხელმძღვანელის, გერმანე მგალობლიშვილის დავალებით ჩამოაყალიბა მემარჯვენეთა კ/რ ორგანიზაციები მომზადების კომიტეტის აპარატში და საქართველოს რიგ რაიონებში; 3. ეწეოდა მავნებლურ საქმიანობას საქართველოს სოფლის მეურნეობაში; 4. მგალობლიშვილის დავალებით პირადად გადაბირებული მემარჯვენეთა კ/რ ორგანიზაციის წევრების საშუალებით ჩამოაყალიბა მეამბოხეთა რაზმები საქართველოს რაიონებში; 5. ეწეოდა ჯაშუშურ საქმიანობას და ინფორმაციას აწვდიდა გერმანე მგალობლიშვილს.
მუხლი:
სასჯელის ზომა: დახვრეტა, პირადი ქონების კონფისკაცია
დაპატიმრების თარიღი:
სხდომის თარიღი: 11/10/1937
დახვრეტის თარიღი: 11/12/1937
წარმატებული ხიბულელი მკვლევარი კოკა ნადარაია
ახალგაზრდა მკვლევარმა აკაკი (კოკა) ნადარაიამ შოთა რუსთაველის საქართველოს ეროვნული სამეცნიერო ფონდის 2022 წლის დოქტორანტურის საგანმანათლებლო პროგრამების საგრანტო კონკურსის ფარგლებში სადოქტორო პროექტის დაფინანსება მოიპოვა. სამეცნიერო პროექტის დასახელებაა: „მყინვარ ადიშის რეკონსტრუქცია და თოვლის ხაზის ცვლილება მცირე გამყინვარების პერიოდიდან დღემდე“. პროექტი მოიცავს სამწლიან კვლევას მყინვარ ადიშზე.
ახალგაზრდა მეცნიერი კოკა ნადარაია დაიბადა ხობის რაიონის სოფელ ახალ ხიბულაში, დაამთავრა ახალი ხიბულის N1 საჯარო სკოლა. 2019 წელს, ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტზე დაიცვა სამაგისტრო ნაშრომი თემაზე: მყინვარ ჭალაათის კვლევა აერო ფოტოგრამმეტრიის და დისტანციური ზონდირების გამოყენებით.
კოკა, ილიას სახელმწიფო უნივერსიტეტის კულტურული მემკვიდრეობისა და გარემოს კვლევის ცენტრის თანამშრომელია. ცენტრის საქმიანობა მოიცავს კულტურული მემკვიდრეობის ძეგლებისა და მისი საარსებო ანთროპომორფული და ბუნებრივი გარემოს კვლევას თანამედროვე ტექნოლოგიების გამოყენებით, მათი ისტორიული და მხატვრული მახასიათებლების შესწავლის, დიაგნოსტირებისა და სამომავლო არსებობის უზრუნველსაყოფად.
Подписаться на:
Сообщения (Atom)