ექიმი და მეცნიერი მირა ღადუა დაიბადა 1944 წელს ხობის რაიონის სოფელ ბიაში. 1972 წელს დაამთავრა თბილისის სახელმწიფო სამედიცინო ინსტიტუტის სანიტარულ-ჰიგიენური ფაკულტეტი. 1972-1974 წლებში იყო საქართველოს ჯანმრთელობის დაცვის სამინისტროს რესპუბლიკური სანეპიდსადგურის კომუნალური ჰიგიენის ექიმი; 1978-1992 წწ. პარაზიტოლოგიისა და ტროპიკული მედიცინის სამეცნიერო-კვლევითი ინსტიტუტის სალმონელოზური ინფექციების ეპიდემიოლოგიის განყოფილების უფროსი მეცნიერ-თანამშრომელი; 1989 წელს დაიცვა საკანდიდატო დისერტაცია თემაზე - "სალმონელოზის ეპიდემიოლოგია ბავშვთა შორის საქართველოს რესპუბლიკაში". 1992 წლიდან დაავადებათა კონტროლის ეროვნული ცენტრის ჰოსპიტალური ლაბორატორიის ექიმი.
მირა ღადუა ავტორია 14 სამეცნიერო ნაშრომისა. არის ეპიდემიოლოგთა, მიკრობიოლოგთა და ინფექციონისტთა საზოგადოების წევრი.
წყარო: ბიოგრაფიული ლექსიკონი
Комментариев нет:
Отправить комментарий
Примечание. Отправлять комментарии могут только участники этого блога.